اس نے کہا تھا
تم وہ شجر ھو
" جسکی شا خیں تپتی دھوپ میں
شبنم شبنم سا یہ سایہ پھیل رہی ہیں
جیسے ذات کی پہنائ ھو
اس نے کہا تھا
تم وہ شجر ہو
جسکے پتوں کی شادابی سوندھی خوشبو
موسم گل کا سرمایہ ھے
اس نے کہا تھا
تم وہ شجر ہو
جسکی جڑیں اتنی گہری ہیں
جیسے روح کی گہرائ ھو
جیسے خواب کی رعنا ئ ھو
اس نے کہا تھا
یہ تو گۓ دن کی باتیں ھیں
پت جھڑ سے پہلے کی باتیں
اب تو زیست کی اک اک ساعت اک اک لمحہ
دشت جنوں میں تنہائ کا بوج اٹھا ۓ
آنے والے رہگیروں سے پوچ رہا ھے
یہ موسم کب تک بدلے گا؟
کب تک یہ موسم بدلے گا۔۔۔۔۔۔۔۔؟؟؟؟؟؟
0 comments:
Post a Comment